Во периодот 29-30 јуни, 2022 година, во рамки на мрежата CEElex, се одржа годишната конференција на експерти по трудово право од Централна и Источна Европа. Овогодинешната Конференција се одржа во Струга и на неа, учество зедоа универзитетски професори од повеќе Европски земји, како и релевантни претставници на Меѓународната Организација на Трудот.
На конференцијата беа презентирани истражувачките трудови за примена на Универзалната Гаранција за Трудот на МОТ во националните законодавства и практики на Македонија, Црна Гора, Србија, Романија, Полска и Унгарија. Се дискутираше и за новите состојби поврзани со престанокот на работниот однос, последните трендови во врска со заштитата на работниците од откази и регулативните промени и мерки усвоени за време на пандемијата предизвикана од Covid-19 во однос на престанокот на работниот однос. Презентирана беше и дата-базата за заштита на вработувањето на Меѓународната Организација на Трудот – EPLex. Пристап до дата-базата може да најдете на следниот линк.
Агендата од годишната конференција на CEElex може да ја преземете на следниот линк.
