Тодор Каламатиев (контакт: tonikalamatiev@yahoo.com) е редовен професор на Правниот факултет „Јустинијан Први”, Универзитет „Св.Кирил и Методиј” во Скопје. Докторирал на Правниот факултет „Јустинијан Први” – Скопје, во 1997 година на темата „Засновање на работниот однос”. Активно се служи со францускиот јазик и со јазиците на земјите од поранешните југословенски простори.
Проф.д-р Тодор Каламатиев е раководител на катедрата по „трудово и социјално право” на Правниот факултет „Јустинијан Први” и е носител на наставната програма на предметите: трудово право (на прв циклус на студии); трудово право – применета програма, социјално осигурување, социјална политика, социјална заштита, меѓународно трудово право, европско трудово право, флексибилност и сигурност на пазарот на труд, индустриски односи, анти-дискриминациско право, право на здравје и безбедност при работа и синдикално право (на втор циклус на студии) и трудово право и социјално осигурување, европско трудово и социјално право, социјална политика и пазар на труд (на трет циклус на студии).
Професор Каламатиев, учествувал на бројни домашни и меѓународни конференции, симпозиуми и семинари. Објавил повеќе од 100 научни статии во областа на трудовото и социјалното право во национални и меѓународни часописи и повеќе монографии. Во својство на надворешен експерт на Меѓународната организација на трудот (МОТ), Тодор Каламатиев е автор на повеќе национални студии и анализи во областа на трудовото право.
Професор Каламатиев е член на неколку меѓународни експертски мрежи, помеѓу кои најзначајни се: Европската мрежа на експерти по трудово право (ELLN), Европскиот Центар за експертиза во областите на трудовото право, вработувањето и политиките на пазарот на труд (ECE) и Мрежата за компаративно службеничко право (CCSN).
Учествувал во повеќе меѓународни проекти, помеѓу кои позначајни се: „Проектот за редифинирање на трудовото право во Европа” (проект во рамките на групата на експерти во ELLN) и „IMPULS – Проектот за реструктурирање на друштвата и правото на ЕУ” (проект поддржан од Австриската агенција за меѓународна соработка во образованието и истражувањата / OAED).
Во моментов, професор Каламатиев ја извршува функцијата претседател на Здружението за трудово и социјално право на Северна Македонија.